ചെറുതോണി: സേവ് മെഡിക്കല്‍ കോളജ്, സേവ് ഫാര്‍മേഴ്‌സ് എന്ന മുദ്രവാക്യമുയര്‍ത്തി യൂത്ത് കോണ്‍ഗ്രസ് ഇടുക്കി പാര്‍ലമെന്റ് മണ്ഡലം കമ്മറ്റിയുടെ നേതൃത്വത്തില്‍ ചെറുതോണിയില്‍ 24 മണിക്കൂര്‍ ഉപവാസസമരം ആരംഭിച്ചു.
ഇന്നലെ വൈകിട്ട് അഞ്ചിന് ആരംഭിച്ച സമരം യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യക്കോസ് ഉദ്ഘാടനം ചെയ്തു.
രാഷ്ട്രിയ മുതലെടുപ്പിന് വേണ്ടി ജില്ലയിലെ ഇടതുപക്ഷ ജനപ്രതിനിധികള്‍ മെഡിക്കല്‍ കോളജ് അട്ടിമറിച്ച് ജനങ്ങളെ വഞ്ചിച്ചുവെന്ന് അദ്ദേഹം പറഞ്ഞു. യൂത്ത് കോണ്‍ഗ്രസ് ഇടുക്കി പാര്‍ലമെന്റ് പ്രസിഡന്റ് ബിജോ മാണി അധ്യക്ഷത വഹിച്ചു. യു.ഡി.എഫ് ജില്ലാ ചെയര്‍മാന്‍ എസ്.അശോകന്‍, ഏ.പി ഉസ്മാന്‍,ആഗസ്തി അഴകത്ത്,എം.ഡി അര്‍ജുനന്‍,കെ.ബി ശെല്‍വം,ജീ.രാജു,ജോസ് ഊരാക്കാട്, മര്‍ട്ടിന്‍ അഗസ്റ്റിയന്‍,പ്രശാന്ത് രാജു,അനീഷ് തുടങ്ങിയവര്‍ പ്രസംഗിച്ചു. ഉപവാസ സമരം ഇന്ന് വൈകിട് അഞ്ചിന് സമാപിക്കും.