വെള്ളിയാമറ്റം: പൂമാല ഗവണ്‍മെന്റ് ട്രൈബല്‍ ഹയര്‍ സെക്കന്‍ഡറി സ്‌കൂളില്‍ 'അമൃതം' പ്രഭാത ഭക്ഷണ പരിപാടിക്ക് തുടക്കമായി. വെള്ളിയാമറ്റം പഞ്ചായത്താണ് പദ്ധതി നടപ്പാക്കുന്നത്. പഞ്ചായത്തിലെ അഞ്ച് സ്‌കൂളുകളിലായി 500ലധികം കുട്ടികള്‍ക്കാണ് പ്രഭാത ഭക്ഷണം ലഭ്യമാക്കുന്നത്.
പൂമാല സ്‌കൂളില്‍ ചേര്‍ന്ന യോഗത്തില്‍ പഞ്ചായത്ത് പ്രസിഡന്റ് ഷീബ രാജശേഖരന്‍ ഉദ്ഘാടനം ചെയ്തു. വൈസ് പ്രസിഡന്റ് വി ജി മോഹനന്‍ അധ്യക്ഷനായി. തൊടുപുഴ ബ്ലോക്ക് പഞ്ചായത്ത് അംഗങ്ങളായ മെര്‍ടിന്‍ മാത്യു, എം മോനിച്ചന്‍, പഞ്ചായത്ത് അംഗങ്ങളായ മോഹന്‍ദാസ് പുതുശേരി, അക്കാമ്മ മാത്യു, തങ്കമ്മ രാമന്‍, ലളിതമ്മ വിശ്വനാഥന്‍, കെ കെ രാഘവന്‍, സ്‌കൂള്‍ പ്രിന്‍സിപ്പല്‍ ജോയി വര്‍ഗീസ് എന്നിവര്‍ സംസാരിച്ചു. ഹെഡ്മിസ്ട്രസ് വി ഗീത സ്വാഗതവും ഇ എന്‍ ഓമന നന്ദിയും പറഞ്ഞു.