തിരുവനന്തപുരം: കെ.എസ്.ആര്‍.ടി.സി ജീവനക്കാര്‍ക്ക് ശമ്പളം കിട്ടി. സഹകരണ ബാങ്കില്‍ നിന്നുള്ള 50 കോടിയും കണ്‍സോര്‍ഷ്യം വായ്പ തിരിച്ചടവിലെ നീക്കിയിരിപ്പും ഉപയോഗിച്ചാണ് കഴിഞ്ഞ മാസത്തെ ശമ്പളം നല്‍കിയത്. ഇന്നലെ വൈകിട്ട് ജീവനക്കാരുടെ അക്കൗണ്ടുകളില്‍ പണം എത്തി. പെട്ടെന്ന് വായ്പ തീര്‍ക്കുന്നതിനായി പൊതുമേഖലാ ബാങ്കുകളുടെ കുടിശ്ശികയില്‍ കൂടുതല്‍ തുക അടയ്ക്കുന്നുണ്ടായിരുന്നു. സാമ്പത്തിക പ്രതിസന്ധി തരണം ചെയ്യാന്‍ വേണ്ടി അധികതുക അടയ്ക്കുന്നത് ഒഴിവാക്കി. 20 കോടി രൂപ ഈ വിധത്തില്‍ സമാഹരിച്ചു. അതിനിടെ പഞ്ചിങ് ഈ ഒന്നാം തീയതി മുതല്‍ കര്‍ശനമാക്കി. പഞ്ച് ചെയ്യാത്തവര്‍ക്ക് അടുത്ത മാസം മുതല്‍ ശമ്പളം നല്‍കേണ്ടതില്ലെന്ന് എം.ഡി രാജമാണിക്യം നിര്‍ദേശം നല്‍കി.