സുല്‍ത്താന്‍ ബത്തേരി: ആള്‍ കേരള ഫോട്ടോഗ്രാഫേഴ്‌സ് അസോസിയേഷന്‍ 32ാം ജില്ലാ സമ്മേളനം നളെ നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ബത്തേരി മുനിസിപ്പല്‍ ടൗണ്‍ഹാളില്‍ രാവിലെ 11ന് ജില്ലാ പഞ്ചായത്ത് പ്രസിഡന്റ് ടി ഉഷാകുമാരി ഉദ്ഘാടനം ചെയ്യും. പ്രതിനിധി സമ്മേളനം സംസ്ഥാന പ്രസിഡന്റ് പി.വി ബാലന്‍ ഉദ്ഘാടനം ചെയ്യും. അംഗങ്ങളുടെ മക്കളില്‍ നിന്ന് എസ്.എസ്.എല്‍.സി, പ്ലസ്ടു പരീക്ഷകളില്‍ ഉയര്‍ന്ന മാര്‍ക്ക് വാങ്ങിയ വിദ്യാര്‍ഥികള്‍ക്ക് അവാര്‍ഡ് നല്‍കും. സമ്മേളനത്തോട് അനുബന്ധിച്ച് ഫോട്ടോഗ്രഫി മത്സരം, ഫോട്ടോ പ്രദര്‍ശനം, ട്രേഡ് ഫെയര്‍ എന്നിവയും സംഘടിപ്പിക്കും. ജില്ലാ പ്രസിഡന്റ് കെ.ടി ബാബു, സംസ്ഥാന ജോയിന്റ് സെക്രട്ടറി ജോയ് ഗ്രെയ്‌സ്, ജില്ലാ സെക്രട്ടറി ബേബി ചെറിയാന്‍, പി.എം ബാലു, സാജന്‍ ബത്തേരി, ബല്‍രാജ് കെ മധു, ദാസ് പുല്‍പ്പള്ളി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു