കൊടുങ്ങല്ലൂര്‍: ബ്യൂട്ടി പാര്‍ലറില്‍ തലമുടി മുറിക്കുവാന്‍ എത്തിയ യുവതിയുടെ തലമുടി അളവില്‍ കൂടുതല്‍ മുറിച്ചതായി പരാതി. ഇത് സംബന്ധിച്ച് യുവതി കൊടുങ്ങല്ലൂര്‍ സര്‍ക്കിള്‍ ഇന്‍സ്‌പെക്ടര്‍ക്ക് പരാതി നല്‍കി. ചേന്ദമംഗലം സ്വദേശിയായ യുവതിയാണ് ഇന്നലെ നഗരത്തിലെ ഒരു ബ്യൂട്ടിപാര്‍ലറില്‍ എത്തിയത്.
തലമുടി അല്‍പ്പം നീളം കുറക്കണമെന്ന് ജോലിക്കാരിയോട് ഇവര്‍ ആവശ്യപ്പെടുകയായിരുന്നു. എന്നാല്‍ ബ്യൂട്ടീഷന്‍മാര്‍ മുടി നല്ലവണ്ണം നച്ച് കഴുത്ത് വരെ മുറിക്കുകയായിരുന്നു. പറഞ്ഞതില്‍ കൂടുതല്‍ മുടി മുറിക്കുകയും, ഒരു പുരുഷന്‍ വന്ന് അത് കഴുത്ത് വരെ ശരിയാക്കുകയുമായിരുന്നു. പുരുഷനായ ബ്യൂട്ടീഷന്‍ എത്തി മുടി ശരിയാക്കിയതിനെ ചോദ്യം ചെയ്തപ്പോള്‍ തന്നെ ഭീഷണിപ്പെടുത്തി, ശരീരത്തില്‍ പിടിച്ച് ബലമായി ഇരുത്തി വീണ്ടും മുടി വെട്ടുവാന്‍ ശ്രമിക്കുകയായിരുന്നുവെന്നും പരാതിയില്‍ പറയുന്നു. സാധാരണ തലമുടി മുറിക്കുന്നതിന് അഞ്ഞൂറ് രൂപയാണ് വാങ്ങാറുള്ളതെന്നും, തെറ്റിയതിനാല്‍ ഇരുനൂറ് രൂപമാത്രം വാങ്ങുന്നുള്ളുവെന്ന് പറഞ്ഞാണ് ഇവര്‍ യുവതിയെ പറഞ്ഞയച്ചതെന്നും പരാതിയില്‍ പറയുന്നു.