ചെറുവത്തൂര്‍: കുട്ടമത്ത് ഗവ. ഹയര്‍സെക്കന്‍ഡറി സ്‌കൂള്‍ ശതാബ്ദിയാഘോഷ ഭാഗമായി നാടിന്റെ ചരിത്രം സംബന്ധിച്ചു സെമിനാര്‍ നടത്തി. കോഴിക്കോട് സര്‍വകലാശാല മുന്‍ വൈസ് ചാന്‍സലര്‍ ഡോ. കെ.കെ.എന്‍ കുറുപ്പ് ഉദ്ഘാടനം ചെയ്തു. പി ജനാര്‍ദനന്‍ അധ്യക്ഷനായി. 'നാട്ടുചരിത്രത്തിന്റെ നിര്‍മിതി', 'ചെറുവത്തൂര്‍ ഒരു ദേശവായന' എന്നീ വിഷയങ്ങള്‍ പ്രൊഫ. സി ബാലന്‍, പ്രൊഫ. വി കുട്ട്യന്‍ എന്നിവര്‍ അവതരിപ്പിച്ചു. ടി നാരായണന്‍, സൂര്യനാരായണ കുഞ്ചൂരായര്‍, പി.വി ദേവരാജന്‍, കെ ശശിധരന്‍ അടിയോടി, പി സുകുമാരന്‍, പി ഗോപാലകൃഷ്ണന്‍ സംസാരിച്ചു.