കണ്ണൂര്‍: പുതിയതെരുവില്‍ കടകളുടെ പൂട്ടുപൊളിച്ച് മോഷണത്തിനു ശ്രമം. കാട്ടാമ്പള്ളി റോഡിലെയും കൊറ്റാളി റോഡിലെയും ഏതാനും കടകളുടെ പൂട്ടും ഷട്ടര്‍ ലോക്കുമാണു പൊളിക്കാന്‍ ശ്രമം നടന്നത്. ഇന്നലെ രാവിലെ കട തുറക്കാന്‍ എത്തിയപ്പോഴാണു പൂട്ടില്‍ പോറലുകള്‍ കണ്ടത്. രാത്രി കടകള്‍ പൂട്ടിപോകുന്ന വ്യാ പാരികള്‍ പുറത്ത് ബള്‍ബ് തെളിച്ചിടാറുണ്ടെങ്കിലും ഇവ മോഷണം പോകുന്നതു പതിവാണ്. പുതിയതെരുവില്‍ രാത്രികാലങ്ങളില്‍ പൊലിസ് പട്രോളിങ് ശക്തമാക്കുമെന്നു വളപട്ടണം പൊലിസ് അറിയിച്ചു.