മലപ്പുറം: വിദ്യാഭ്യാസ മേഖലയിലെ പ്രശ്‌നങ്ങള്‍ സംഘടനകളുമായി ചര്‍ച്ച നടത്താതെ വിദ്യാഭ്യാസ വകുപ്പ് ഏകപക്ഷീയമായി മുന്നോട്ടുപോകുന്നതില്‍ പ്രതിഷേധിച്ച് ആറാം പ്രവൃത്തിദിനമായ നവംബര്‍ അഞ്ചിലെ ക്ലസ്റ്റര്‍ പരിശീലനം ബഹിഷ്‌കരിക്കുമെന്നു സംയുക്ത അധ്യാപക സമിതി. കെ.പി.എസ്.ടി.എ, കെ.എസ്.ടി.യു, കെ.എ.ടി.എഫ്, കെ.എ.ടി.എ, കെ.എസ്.ടി.എഫ്, കെ.എച്ച്.എസ്.ടി.യു, എച്ച്.എസ്.ടി.എ, ഡി.പി.ടി.എ, കെ.എസ്.എസ്.പി.ടി.എ, ഡി.എസ്.ടി.എ അംഗങ്ങളാണു ക്ലസ്റ്ററില്‍ നിന്ന് വിട്ടുനില്‍ക്കുന്നത്.
സംയുക്ത യോഗം സംസ്ഥാന കണ്‍വീനര്‍ എ കെ സൈനുദ്ദീന്‍ ഉദ്ഘാടനം ചെയ്തു. കെ അബ്ദുല്‍ മജീദ് അധ്യക്ഷനായി. ജോര്‍ജ് കൊളത്തൂര്‍, അബ്ദുള്ള വാവൂര്‍, എം അഹമ്മദ്, കെ എം അബ്ദുള്ള, പി ടി ജോര്‍ജ്, ടി ടി റോയ്‌തോമസ്, സി എം മിസ്ഹബ്, പി അബ്ദുല്‍ലത്തീഫ്, കെ.ടി അമാനുള്ള, മജീദ് കാടേങ്ങല്‍, കോട്ട വീരാന്‍കുട്ടി, എം സിദ്ദീഖ്, എം.ടി ഉമ്മര്‍, എം.മുഹമ്മദ് സലീം, കെ.എം അബ്ദുള്ള സംസാരിച്ചു.