എളേറ്റില്‍: ഇന്ത്യയില്‍ ഏക സിവില്‍കോഡ് നടപ്പാക്കണമെന്ന വാദം ഇന്ത്യന്‍ മനസുകളെ ഭിന്നിപ്പിക്കാനാണെന്ന് സയ്യിദ് സാദിഖലി ശിഹാബ് തങ്ങള്‍.
കത്തറമ്മല്‍ യൂനിറ്റ് എസ്.വൈ.എസ് നിര്‍മിക്കുന്ന പാറന്നൂര്‍ ഇബ്‌റാഹിം മുസ്‌ലിയാര്‍ എജ്യുക്കേഷന്‍ കോംപ്ലക്‌സിന്റെ ശിലാസ്ഥാപന കര്‍മം നിര്‍വഹിച്ച് സംസാരിക്കുകയായിരുന്നു അദ്ദേഹം.
അബ്ദുല്‍ ബാരി ബാഖവി അധ്യക്ഷനായി. എന്‍. അബ്ദുല്ല മുസ്‌ലിയാര്‍, വി.എം ഉമ്മര്‍ മാസ്റ്റര്‍, എം.എ റസാഖ് മാസ്റ്റര്‍, അസ്‌ലം ബാഖവി പാറന്നൂര്‍, എന്‍.സി ഹുസൈന്‍ മാസ്റ്റര്‍, എം.എ ഗഫൂര്‍ മാസ്റ്റര്‍, കെ.കെ ജബ്ബാര്‍ മാസ്റ്റര്‍, ജലീല്‍ റഹ്മാനി വാണിയന്നൂര്‍ സംസാരിച്ചു.
ടി.പി സൈതൂട്ടി മാസ്റ്റര്‍ സ്വാഗതവും പി.പി അബൂബക്കര്‍ മാസ്റ്റര്‍ നന്ദിയും പറഞ്ഞു.