പന്നിക്കോട്ടൂര്‍: ഗവ. എല്‍.പി സ്‌കൂളിലെ വിദ്യാര്‍ഥികള്‍ക്കു പ്രഭാതഭക്ഷണത്തിന് തുടക്കം കുറിച്ച് പി.ടി.എ മാതൃകയായി. രാവിലെ നേരത്തേയെത്തുന്ന കുട്ടികള്‍ക്കു ഉച്ചയൂണ്‍വരെ കാത്തിരിക്കുന്നതുമൂലമുള്ള ക്ഷീണമകറ്റാനാണ് പൊടിയരിക്കഞ്ഞി ലഭ്യമാക്കുന്നത്. നരിക്കുനി പഞ്ചായത്ത് വൈസ് പ്രസിഡന്റ് പി.പി ജബ്ബാര്‍ ഉദ്ഘാടനം ചെയ്തു. ടി.പി അജയന്‍ അധ്യക്ഷനായി. നിഷാ ചന്ദ്രന്‍, എന്‍.കെ അഹമ്മദ്, ടി.പി ബാലന്‍ നായര്‍, എം.പി ഉസ്മാന്‍, ഒ.പി മുഹമ്മദ് സംസാരിച്ചു.