ഫറോക്ക്: ഓട്ടോറിക്ഷ നിയന്ത്രണംവിട്ട് താഴ്ചയിലേക്കു മറിഞ്ഞു. ഡ്രൈവര്‍ക്കു പരുക്കേറ്റു. യാത്രക്കാരായ ഭാര്യയും കുട്ടികളും അത്ഭുതകരമായി രക്ഷപ്പെട്ടു. ഓട്ടോ ഡ്രൈവര്‍ മാറാട് സാഗരസരണി തച്ചമ്പലത്ത് പ്രസാദിനാണ് പരുക്കേറ്റത്.
ഇന്നലെ രാത്രി ഒന്‍പതിനു ചെറുവണ്ണൂര്‍ ബി.സി റോഡ് ലിറ്റില്‍ഫ്‌ളവര്‍ സ്‌കൂളിനു മുന്‍വശത്തെ 40 അടി താഴ്ചയിലേക്കാണ് ഓട്ടോറിക്ഷ തലകീഴായി മറിഞ്ഞത്.
തിരൂരില്‍ നിന്നു വിവാഹം സല്‍ക്കാരം കഴിഞ്ഞ മാറാട്ടേക്കു പോകവെയായിരുന്നു അപകടം. നിയന്ത്രണംവിട്ട ഓട്ടോ മരത്തില്‍ ഇടിച്ചുനിന്നതിനാല്‍ വന്‍അപകടം ഒഴിവാകുകയായിരുന്നു. ബഹളം കേട്ടെത്തിയ നാട്ടുകാരാണ് ഇവരെ രക്ഷപ്പെടുത്തി ആശുപത്രിയിലെത്തിച്ചത്. മീഞ്ചന്തയില്‍ നിന്നു ഫയര്‍ഫോഴ്‌സും സ്ഥലത്തെത്തിയിരുന്നു.
പരുക്കേറ്റ ഡ്രൈവരെ ചെറുവണ്ണൂരിലെ സ്വകാര്യ ആശുപത്രിയില്‍ ചികിത്സ നല്‍കി മെഡിക്കല്‍ കോളജിലേക്ക് മാറ്റി.