കൊല്ലം : ശ്രീ നാരായണ കോളജിലെ മാസ് കമ്മ്യൂണിക്കേഷന്‍ വിഭാഗം വിദ്യാര്‍ഥികള്‍ പൂര്‍ത്തിയാക്കിയ ചുവര്‍ ചിത്രങ്ങളുടെ സമര്‍പ്പണം ഇന്ന് രാവിലെ 10ന് മാസ് കമ്മ്യൂണിക്കേഷന്‍ ഹാളില്‍ നടക്കും. 40 കലാകാരികള്‍ ചേര്‍ന്ന് പൂര്‍ത്തിയാക്കിയ ചിത്രങ്ങള്‍, ലോക ക്ലാസിക് പെയിന്റിങുകള്‍, ഫെമിനിസം, റൊമാന്റിസം തുടങ്ങി വിവിധ മേഖലകളെ സ്പര്‍ശിക്കുന്നതാണ്. കെ സോമപ്രസാദ് എം.പി, എം നൗഷാദ് എം.എല്‍.എ, ഡെപ്യൂട്ടി മേയര്‍ വിജയ ഫ്രാന്‍സിസ്, ചിത്രകാരന്‍മാരായ സന്തോഷ് ആശ്രാമം, ഷെന്‍ലെ, ശ്രീകുമാര്‍ ശ്രീധര്‍, പ്രസ്‌ക്ലബ്ബ് പ്രസിഡന്റ് വിമല്‍ കുമാര്‍, ഇംഗ്ലീഷ് വിഭാഗം മുന്‍ മേധാവി ഡോ. പ്രേമലത ഗോപിനാഥ് എന്നിവര്‍ സമര്‍പ്പണം നിര്‍വഹിക്കും. മാസ് കമ്മ്യൂണിക്കേഷന്‍ വിദ്യാര്‍ഥികള്‍ ചേര്‍ന്ന് രൂപീകരിച്ച് റെഡ് മീഡിയ എന്ന കമ്പനിയുടെ ലോഗാ പ്രകാശനവും ചടങ്ങില്‍ നടക്കും. പ്രൊഫ. ടി ജി അജയകുമാര്‍ സ്വാഗതം ആശംസിക്കും. ഇംഗ്ലീഷ് വിഭാഗം മേധാവി പ്രൊഫ. ആര്‍ പ്രേംകുമാര്‍ അധ്യക്ഷനാകും.

ലേലം 26ന്

കൊല്ലം: പുത്തൂര്‍ പൊലിസ് സ്റ്റേഷന്‍ പരിസരത്ത് കസ്റ്റഡിയിലെടുത്ത് സൂക്ഷിച്ചിരിക്കുന്ന 23 ലോഡ് പാറ, 194 ലോഡ് കരമണ്ണ്, 14 ലോഡ് ഇഷ്ടികച്ചെളി, 26 ലോഡ് മണല്‍, അഞ്ചു ലോഡ് വെട്ടുകല്ല് എന്നിവ 26ന് പകല്‍ 11ന് ലേലം ചെയ്യും. ഫോണ്‍: 04742749044.