ചൊക്ലി: മുസ്‌ലിം ലീഗ് ജില്ലാ കൗണ്‍സിലറും കരിയാട് താവുമ്പ്രം വാര്‍ഡ് ട്രഷററുമായ എം.സി അന്‍വറിന്റെ വീടിന് നേരെ ആക്രമണം. ഇന്നലെ അര്‍ധരാത്രി 12 മണിയോടെയാണ് ആക്രമണം നടന്നത്. കല്ലേറില്‍ വീടിന് കേടുപാടുകള്‍ സംഭവിച്ചു. ആക്രമണം നടന്ന വീട് ചൊക്ലി പ്രിന്‍സിപ്പല്‍ എസ്.ഐ ഫായിസ് അലി, എസ്.ഐമാരായ വ്രജനാഥ്, പി പ്രേംദാസ്, ജയപ്രകാശ് എന്നിവര്‍ സന്ദര്‍ശിച്ചു.

വീടാക്രമണം; നടപടി വേണം മുസ്‌ലിം ലീഗ്

പെരിങ്ങത്തൂര്‍: മുസ്‌ലിം ലീഗ് താവുമ്പ്രം വാര്‍ഡ് ട്രഷറര്‍ കരിയാട് എം.സി അന്‍വര്‍ സാഹിബിന്റെ വീടിന് നേരെ നടന്ന ആക്രമണത്തില്‍ കൂത്തുപറമ്പ് മണ്ഡലം മുസ്‌ലിം ലീഗ് കമ്മിറ്റി ശക്തമായി പ്രതിഷേധിച്ചു. വീടിന് നേരെ ആക്രമണം നടത്തിയവരെ കണ്ടെത്തി പൊലിസ് അധികാരികള്‍ ശക്തമായ നടപടി സ്വീകരിക്കണമെന്ന് മണ്ഡലം മുസ്‌ലിം ലീഗ് പ്രസിഡന്റ് പൊട്ടങ്കണ്ടി അബ്ദുള്ള ഹാജിയും, ജനറല്‍ സെക്രട്ടറി വി നാസര്‍ മാസ്റ്ററും അഭ്യര്‍ഥിച്ചു.