ബാഗ്ദാദ്: മൊസൂള്‍ ലക്ഷ്യമാക്കി ഇറാഖ് മുന്നേറുമ്പോഴും വിജയം തങ്ങള്‍ക്കൊപ്പമെന്ന് ഐഎസ് മേധാവി അബൂബക്കര്‍ അല്‍ ബാഗ്ദാദി. ബാഗ്ദാദിയുടെ പുതിയ ശബ്ദരേഖ പുറത്തുവന്നു.

ഇറാഖി സൈന്യത്തിനെതിരേ പൊരുതാന്‍ ഐഎസിനോട് ആവശ്യപ്പെടുന്നതാണ് ശബ്ദരേഖ. ഒരു സാഹചര്യത്തിലും പിന്‍വാങ്ങരുതെന്ന് ഐഎസ് പ്രവര്‍ത്തകരോട് ബാഗ്ദാദി പറയുന്നു.

ഐഎസുമായി ബന്ധമുള്ള അല്‍ ഫുര്‍ഖാന്‍ മീഡിയയാണ് ഓഡിയോ സന്ദേശം പുറത്തുവിട്ടത്.

കഴിഞ്ഞ ഒരു വര്‍ഷത്തിനിടെ ആദ്യമായാണ് ബാഗ്ദാദി ശബ്ദരേഖ പുറത്തുവരുന്നത്.

നേരത്തെ ബാഗ്ദാദി കൊല്ലപ്പെട്ടതായി റിപ്പോര്‍ട്ടുകള്‍ ഉണ്ടായിരുന്നു.


എന്നാല്‍ മൊസൂള്‍ പിടിക്കാന്‍ ഇറാഖി സൈന്യത്തിന് ഇനി അധികം താമസം വേണ്ടിവരില്ലെന്നാണ് റിപ്പോര്‍ട്ട്.

ഇറാഖിലെ മൗസിലില്‍ ഐ.എസിനെതിരേ അന്തിമ യുദ്ധത്തിനിറങ്ങിയ സഖ്യസേന ബഗ്ദാദിയെ കെണിയിലാക്കിയെന്ന റിപ്പോര്‍ട്ടുകളാണ് പുറത്തു വന്നത്. നിരന്തരമായ പോരാട്ടത്തിനൊടുവിലാണ്  ഐ.എസ്  ശക്തികേന്ദ്രമായ മൗസിലില്‍ ഇറാഖി സൈന്യം പ്രവേശിക്കുന്നത്. കുര്‍ദിഷ് പ്രസിഡന്റ്  മസ്ഊദ് ബര്‍സാനിയുടെ സെക്രട്ടറി ഫഊദ് ഹുസൈനെ  ഉദ്ധരിച്ച് ഇന്‍ഡിപെന്റന്റ് പത്രമാണ് ഇക്കാര്യം റിപ്പോര്‍ട്ട് ചെയ്തത്.