കൊണ്ടോട്ടി: കരിപ്പൂര്‍ വിമാനത്താവളത്തില്‍ ഭൂമി ഏറ്റെടുക്കാനുളള നടപടിയില്‍ പ്രതിഷേധിച്ചു പ്രദേശവാസികളെ ഉള്‍പ്പെടുത്തി 15നു സമരസമിതി കൊണ്ടോട്ടി താലൂക്ക് ഓഫീസിലേക്ക് മാര്‍ച്ച് നടത്തും. എയര്‍പോര്‍ട്ട് അതോറിറ്റി ആവശ്യപ്പെട്ട 385 ഏക്കറും പുനരധിവസിപ്പിക്കുന്നതിനുളള 100 ഏക്കര്‍ ഭൂമിയും ഏറ്റെടുക്കുന്നതിനാണു സര്‍ക്കാര്‍ കഴിഞ്ഞ ദിവസം ഉത്തരവിറക്കിയത്. അനാവാശ്യമായ വികസനമാണു കരിപ്പൂരിലേതുന്നും ഒരിഞ്ചു ഭൂമി വിട്ടു നല്‍കില്ലെന്നും അറിയിച്ചാണു സമരസമിതി സമരത്തിനിറങ്ങുന്നത്. സ്ത്രീകളും കുട്ടികളുമടക്കം മാര്‍ച്ചില്‍ പങ്കെടുക്കും
റണ്‍വേ നീളം വര്‍ധിപ്പിക്കുന്നതിന് 213 ഏക്കറും ഐസലേഷന്‍ ബേക്ക് 14.5 ഏക്കറും അപ്രോച്ച് ലൈറ്റ് സിസ്റ്റത്തിന് 20.8 ഏക്കറുമടക്കം 248 ഏക്കര്‍ ഭൂമിയാണ് ആവശ്യപ്പെട്ടത്. ഇത് ഏറ്റെടുക്കുന്നതിനാണു സര്‍ക്കാര്‍ കഴിഞ്ഞ ദിവസം ഭരണാനുമതി നല്‍കിയത്. കൂടാതെ, പുനരധിവാസത്തിനായി 80 ഏക്കര്‍ ഭൂമിയടക്കം 328.3 ഏക്കര്‍ ഏറ്റെടുക്കുന്നതിനാണു പുതുതായി സര്‍ക്കാര്‍ അനുമതി നല്‍കിയിരിക്കുന്നത്. ടെര്‍മിനല്‍ വികസനത്തിന് പളളിക്കല്‍ വില്‌ളേജില്‍ നിന്നും റണ്‍വേക്ക് കൊണ്ടോട്ടി, നെടിയിരുപ്പ് വില്ലേജുകളില്‍ നിന്നുമാണ് സ്ഥലം എടുക്കുക.
സാമൂഹികാഘാത പഠനം നടത്തുന്നതിനായി സെന്റര്‍ ഫോര്‍ മാനേജ്‌മെന്റ് സ്റ്റഡീസീനെയാണു ചുമതലപ്പെടുത്തിയിരിക്കുന്നത്. സര്‍വേ നമ്പര്‍ പ്രകാരം ഭൂമി ഏറ്റെടുക്കുന്നതിനും തുടര്‍ നടപടികള്‍ക്കും മലപ്പുറം കലക്ടറെയും ചുമതലപ്പെടുത്തി. വിപണി വിലയുടെ അടിസ്ഥാനത്തിലായിരിക്കും വികസനത്തിനായി ഭൂമി ഏറ്റെടുക്കുക.

പാലിയേറ്റീവ് കെയര്‍ കോഴ്‌സിന് അപേക്ഷ ക്ഷണിച്ചു

മലപ്പുറം: മലപ്പുറം താലൂക്ക് ആശുപത്രിയിലെ ഗവ. പാലിയേറ്റീവ് ട്രെയിനിങ് സെന്ററില്‍ നവംബര്‍ 11നു തുടങ്ങുന്ന സ്റ്റാഫ് നഴ്‌സുമാര്‍ക്കുള്ള ഒന്നര മാസത്തെ പാലിയേറ്റീവ് ട്രെയിനിങ് കോഴിസിന് അപേക്ഷ ക്ഷണിച്ചു. യോഗ്യത: ജി.എന്‍.എം.ബി.എസ്.സി നഴ്‌സിങ്. ഫീസ് 3