മലപ്പുറം: സ്‌കൂള്‍ വിദ്യാര്‍ഥികള്‍ക്കായി സംസ്ഥാന ഊര്‍ജ വകുപ്പിനു കീഴില്‍ പ്രവര്‍ത്തിക്കുന്ന എനര്‍ജി മാനേജ്‌മെന്റ് സെന്റര്‍ ഊര്‍ജ്ജോത്സവം നടത്തുന്നു. ഇ.എം.സി നടപ്പാക്കുന്ന സ്മാര്‍ട്ട് എനര്‍ജി പ്രോഗ്രാമിന്റെ ഭാഗമായി നടക്കുന്ന ഊര്‍ജ്ജോത്സവത്തില്‍ പ്രോജക്ട് അവതരണം, ഉപന്യാസം, കാര്‍ട്ടൂണ്‍, പെയിന്റിങ് എന്നീ ഇനങ്ങളിലാണ് മത്സരങ്ങള്‍. ഗാര്‍ഹികോര്‍ജം എന്നതാണ് പ്രോജക്ട് അവതരണ മത്സരത്തിന്റെ വിഷയം. ഉപന്യാസത്തിന് ഊര്‍ജ്ജ സുരക്ഷ, കാര്‍ട്ടൂണിന് ജീവിത ശൈലി മാറ്റങ്ങളും ഊര്‍ജ ഉപയോഗവും പെയിന്റിങിന് ഊര്‍ജവും ജലവും എന്നിവയാണ് വിഷയങ്ങള്‍.
ജില്ലയില്‍ വണ്ടൂര്‍, തിരൂര്‍, മലപ്പുറം, തിരൂരങ്ങാടി വിദ്യാഭ്യാസ ജില്ലകളിലായി യഥാക്രമം നവംബര്‍ 12, 19, 26, ഡിസംബര്‍ മൂന്ന് തീയതികളിലായി ഊര്‍ജ്ജോത്സവം നടത്താന്‍ ജില്ലാ വിദ്യാഭ്യാസ ഉപഡയറക്ടറുടെ ഓഫിസില്‍ ചേര്‍ന്ന യോഗം തീരുമാനിച്ചു. സ്വാഗത സംഘം രക്ഷാധികാരിയായി വിദ്യാഭ്യാസ ഉപഡയറക്ടര്‍ പി. സഫറുള്ളയേയും ജനറല്‍ കണ്‍വീനറായി ഒ. ഹാമിദലിയേയും തെരഞ്ഞെടുത്തു. ജില്ലാ വിദ്യാഭ്യാസ ഓഫിസര്‍മാര്‍ അതാത് വിദ്യാഭ്യാസ ജില്ലയില്‍ ചെയര്‍മാന്‍മാരായിരിക്കും. വിവരങ്ങള്‍ക്ക് 9447631102, 9895979527, 9349791238, 9526877070.