അലനല്ലൂര്‍: നാട്ടില്‍ നിന്നും അന്യമായി കൊണ്ടിരിക്കുന്ന സസ്യങ്ങളെയും ഒറ്റമൂലികളെയും തിരിച്ചുകൊണ്ടുവരുക എന്ന ലക്ഷ്യത്തോടെ വടശ്ശേരിപ്പുറം ഗവ. ഹൈസ്‌കൂളില്‍ സ്റ്റുഡന്റ്‌സ് പൊലിസ് കേഡറ്റുകള്‍ രംഗത്തെത്തി. ഇതിന്റെ ഭാഗമായി ഓരോ വീട്ടിലും വ്യത്യസ്ഥ അഞ്ചു തരം സസ്യങ്ങള്‍ വച്ചുപിടിപ്പിക്കുകയും അതിനെ സംരക്ഷിക്കുകയുമാണ് പദ്ധതി.
കോട്ടോപ്പാടം പഞ്ചായത്ത് സ്ഥിരം സമിതി ചെയര്‍മാന്‍ അഡ്വ. ടി അബ്ദുസ്സലാം ഉദ്ഘാടനം ചെയ്തു. കെ.വി മുജീബുറഹ്മാന്‍ അധ്യക്ഷനായി. ജോളി ജോസഫ്, സീനിയര്‍ സിവില്‍ പൊലിസ് ഓഫിസര്‍ മണികണഠന്‍, അമ്പിളി, ശാലിനി, റുക്‌സാന, ആരിഫ്, നാസിം, ദേവി പ്രിയ പ്രസംഗിച്ചു. സി.ഇ.ഒ മാരായ ബിന്ദു പി.എസ് വയലില്‍, കരിം അലനല്ലൂര്‍ നേതൃത്വം നല്‍കി.