പാറശാല: ഉറിയിലെ ഭീകരാക്രമണത്തില്‍ വീരമൃത്യു വരിച്ച ധീരജവാന്‍മാര്‍ക്ക് ബി.എം.എസ് പാറശാല പഞ്ചായത്ത് കമ്മിറ്റിയുടെ നേതൃത്വത്തില്‍ ശ്രദ്ധാഞ്ജലി അര്‍പ്പിച്ചു.
പാറശാല ജങ്ഷനില്‍ നടന്ന ചടങ്ങില്‍ ബി.എം.എസ് പാറശാല പഞ്ചായത്ത് പ്രസിഡന്റ് അശോക്കുമാര്‍ ചടങ്ങില്‍ അധ്യക്ഷനായി. മേഖലയിലെ വിമുക്തഭടന്‍മാര്‍ ജവാന്‍മാരുടെ ചിത്രങ്ങള്‍ക്ക് മുന്‍പില്‍ പുഷ്പാര്‍ച്ചന നടത്തുകയും മണ്‍ചിരാതുകള്‍  തെളിയിക്കുകയും ചെയ്തു.  ജില്ലാ ജോയിന്റ് സെക്രട്ടറി പി.പത്മലോചനന്‍ , മേഖല പ്രസിഡന്റ് ബി.പ്രദീപ്കുമാര്‍ , പഞ്ചായത്ത് സെക്രട്ടറി കണ്ണന്‍ , സതീഷ്‌കുമാര്‍ തുടങ്ങിയവര്‍ പങ്കെടുത്തു.