കൊച്ചി: കേന്ദ്രസര്‍ക്കാരിന്റെ 'മേക്ക് ഇന്‍ ഇന്ത്യ' പദ്ധതിയില്‍നിന്ന് പ്രചോദനമുള്‍ക്കൊണ്ട് എറണാകുളത്തെ വടക്കന്‍ പറവൂര്‍ ആസ്ഥാനമായുള്ള റിവേരി സോളാര്‍ നിര്‍മിക്കുന്ന മാക്ക് എല്‍.ഇ.ഡി പാര്‍ലൈറ്റുകള്‍ വിപണിയിലെത്തി. ഇന്ത്യയില്‍ നിര്‍മിക്കുന്ന ആദ്യത്തെ എല്‍.ഇ.ഡി പാര്‍ലൈറ്റുകളാണിതെന്ന് കമ്പനി ഡയരക്ടര്‍മാരായ കെ.ആര്‍ സുനില്‍, സൈന ശശി എന്നിവര്‍ പറഞ്ഞു.
ഷോറൂമുകള്‍, പരസ്യബോര്‍ഡുകള്‍, ആഘോഷ ചടങ്ങുകള്‍ തുടങ്ങിയവയ്ക്കാണ് പാര്‍ലൈറ്റുകള്‍ ഉപയോഗിച്ചുവരുന്നത്. നിലവില്‍ വിദേശത്തുനിന്ന് ഇറക്കുമതി ചെയ്യുന്നവയാണ് ഉപയോഗിക്കുന്നത്.
ഈ സാമ്പത്തികവര്‍ഷം 20,000 ലൈറ്റുകള്‍ നിര്‍മിക്കാനും അടുത്ത വര്‍ഷം ഉല്‍പാദനം 25,000മായി ഉയര്‍ത്താനാണ് കമ്പനി ലക്ഷ്യമിടുന്നത്.