കൊച്ചി:  നോര്‍ത്ത് അമേരിക്കന്‍ അസോസിയേഷന്‍ ഓഫ് ഇന്ത്യന്‍ ഐ.ടി പ്രൊഫഷണല്‍സി(നൈപ്പ്)ന്റെ നേതൃത്വത്തില്‍ അമേരിക്കയിലെ 50 പ്രമുഖ പ്രവാസി ഭാരതീയ സംഘടനകള്‍ ചേര്‍ന്നു പ്രവാസി വിദ്യാവികാസ് സ്‌കോളര്‍ഷിപ് പദ്ധതി നടപ്പാക്കുന്നു.

എന്‍ജിനീയറിങ്, മെഡിക്കല്‍, പാരാമെഡിക്കല്‍, മാനേജ്‌മെന്റ് കോഴ്‌സുകള്‍ക്ക് ഇന്ത്യയിലും വിദേശത്തും പഠനത്തിന് അര്‍ഹത നേടുന്ന 1000 വിദ്യാര്‍ഥികള്‍ക്കാണു സ്‌കോളര്‍ഷിപ്പ് നല്‍കുക.

മെഡിക്കല്‍ വിഭാഗത്തില്‍ ഓരോ വര്‍ഷം 40,000 രൂപയും മറ്റു വിഭാഗങ്ങളില്‍ കോഴ്‌സിനു മുഴുവനായി 20000, 10000 രൂപ എന്നീ നിരക്കിലുമാകും സ്‌കോളര്‍ഷിപ്പെന്ന് നൈപ്പ് ഭാരവാഹിയായ ഷോജി മാത്യു വാര്‍ത്താസമ്മേളനത്തില്‍ പറഞ്ഞു. വിവരങ്ങള്‍ക്ക് വെബ്‌സൈറ്റ്: www.naaiip.org, www.pvvs.in. ഫോണ്‍: 0484 6500546, 9946339708.