കാഞ്ഞിരംകുളം: ഒരേ ക്ലാസില്‍ പഠിക്കുന്ന രണ്ട് വിദ്യാര്‍ഥികള്‍ തമ്മിലുണ്ടായ വഴക്കിനെ തുടര്‍ന്ന് പഞ്ചായത്ത് മെമ്പര്‍ ക്ലാസില്‍ കയറി വിദ്യാര്‍ഥിയെ മര്‍ദിച്ചതായി പരാതി. കാഞ്ഞിരംകുളം ഗവ.എച്ച്.എസിലെ ഏഴാം ക്ലാസ് വിദ്യാര്‍ഥിയായ കാഞ്ഞിരംകുളം പി.കെ.എച്ച്.എസിനു പുറകുവശം നിതി വെട്ടിയ വീട്ടില്‍ അജയകുമാറിന്റെ മകന്‍ ആല്‍ഫി (13) യ്ക്കാണ്  മര്‍ദനമേറ്റത്.
കാഞ്ഞിരംകുളം പഞ്ചായത്തിലെ മാവിള വാര്‍ഡ് മെമ്പറായ ജയന്റെ മകന്‍ മര്‍ദനമേറ്റ ആല്‍ഫിയുടെ സഹപാഠിയാണ്. കുട്ടികള്‍ തമ്മിലുണ്ടായ കലഹം ചോദിക്കാന്‍ കഴിഞ്ഞദിവസം രാവിലെ സ്‌കുളിലെത്തിയ പഞ്ചായത്ത് അംഗം ഇന്റര്‍വെല്‍ സമയത്ത് ക്ലാസില്‍ അതിക്രമിച്ച് കയറി വിദ്യാര്‍ഥിയെ മര്‍ദിക്കുകയായിരുന്നുവെന്ന് ആല്‍ഫിയുടെ വീട്ടുകാര്‍ കാഞ്ഞിരംകുളം പൊലിസില്‍ നല്‍കിയ പരാതിയില്‍ പറയുന്നു.  പൊലീസ് കേസെടുത്തു.