കോവളം: വിഴിഞ്ഞത്ത് വീടിന് മുന്നില്‍ നിറുത്തിയിരുന്ന ഓട്ടോറിക്ഷ മോഷണം പോയതായി പരാതി. കിടാരക്കുഴി  ശാന്തിപുരം ചെറിയ കുഴിയാംവിള വീട്ടില്‍ ഷിബുകുമാറിന്റെ ഉടമസ്ഥതയിലുള്ള ഓട്ടോയാണ് മോഷണം പോയത്.  വ്യാഴാഴ്ച രാത്രിയാണ് സംഭവം. കുട്ടികളെ സ്‌കൂളില്‍ കൊണ്ടാക്കുകയും  തിരികെ എത്തിക്കുകയും ചെയ്യുന്ന ഓട്ടോയുടെ ഡ്രൈവര്‍ പതിവു പോലെ രാത്രി എട്ട് മണിയോടെ ഷിബുകുമാറിന്റെ വീടിന് മുന്നില്‍ പാര്‍ക്ക് ചെയ്ത് മടങ്ങിയിരുന്നു. രാവിലെയോടെയാണ് ഓട്ടോ മോഷണം പോയെന്ന വിവരം വീട്ടുകാര്‍ അറിഞ്ഞത്. വിഴിഞ്ഞം പൊലിസില്‍ പരാതി നല്‍കി.