മുംബൈ: പരുക്കേറ്റ ഇന്ത്യന്‍ ബാറ്റ്‌സ്മാന്‍ രോഹിത് ശര്‍മ ശസ്ത്രക്രിയക്കായി ലണ്ടനിലേക്ക്. പിന്‍തുട ഞരമ്പിനേറ്റ പരുക്കിനെ തുടര്‍ന്നാണ് രോഹിത് വിദഗ്ധ ചികിത്സയ്ക്കായി ലണ്ടനിലേക്ക് പറക്കുന്നത്. അടുത്ത ആഴ്ച ലണ്ടനിലേക്കു പോകുമെന്ന് ബി.സി.സി.ഐ വ്യക്തമാക്കി. മൂന്നു മാസക്കാലത്തേക്ക് രോഹിതിനു കളിക്കളത്തില്‍ നിന്നു വിട്ടുനില്‍ക്കേണ്ടി വരും.
ന്യൂസിലന്‍ഡിനെതിരേ വിശാഖപട്ടണത്തു നടന്ന അവസാന ഏകദിനത്തിനിടെയാണ് രോഹിതിനു പരുക്കേറ്റത്.