കൊല്ലം: കരട് വോട്ടര്‍ പട്ടികയിലെ തെറ്റുകള്‍ ചൂണ്ടിക്കാട്ടുന്നതിനായി അതത് പ്രദേശത്തെ ഗ്രാമസഭകള്‍ നവംബര്‍ അഞ്ച്, 19 തീയതികളില്‍ കൂടി പ്രദേശം ഉള്‍പ്പെടുന്ന പോളിങ് സ്റ്റേഷന്റെ വോട്ടര്‍പട്ടിക വായിക്കുമെന്ന്  ജില്ലാ കലക്ടര്‍ അറിയിച്ചു.
കരട് വോട്ടര്‍ പട്ടികയെ സംബന്ധിച്ച വിവരങ്ങള്‍ ജനങ്ങളിലേക്ക് എത്തിക്കുന്നതിനും തെറ്റുകളും അനധികൃതമായി ഉള്‍പ്പെട്ടവര്‍, താമസം മാറിപ്പോയവര്‍, മരിച്ചു പോയവര്‍ എന്നീ വിവരങ്ങളും അറിയിക്കാവുന്നതാണ്. പ്രത്യേക സംക്ഷിപ്ത വോട്ടര്‍ പട്ടിക പുതുക്കല്‍ 2017 ന്റെ ഭാഗമായി ജില്ലയിലെ 11 നിയമസഭാ നിയോജക മണ്ഡലങ്ങളിലേയും കരട് വോട്ടര്‍ പട്ടിക ഇലക്ട്രല്‍ രജിസ്‌ട്രേഷന്‍ ഓഫിസര്‍മാര്‍ പ്രസിദ്ധപ്പെടുത്തിയിട്ടുണ്ട്.