കൊട്ടിയം: വ്യാജ രേഖകള്‍ ചമച്ച് സ്വകാര്യ മില്ലിലേക്കു കടത്തിയ  115 ചാക്ക് റേഷന്‍ ഗോതമ്പ് പൊലിസ് പിന്തുടര്‍ന്ന് പിടികൂടി.
പാലത്തറ തട്ടാമല ബൈപാസ് റോഡിലെ സ്വകാര്യ പൊടിപ്പു മില്ലിലേയ്ക്കായിരുന്നു ഇവ കൊണ്ടുവന്നത്. സിറ്റി പൊലിസ് കമ്മിഷണര്‍ക്കു കിട്ടിയ രഹസ്യവിവരത്തിന്റെ അടിസ്ഥാനത്തില്‍ ഷാഡോ പൊലിസ്  പിന്തുടര്‍ന്ന് പിടികൂടുകയായിരുന്നു. ലോറി ഡ്രൈവറെ കസ്റ്റഡിയില്‍ എടുത്തു.   
ഗോതമ്പ് കൊട്ടിയം പൊലിസ് സ്റ്റേഷനിലേയ്ക്ക് മാറ്റി. സ്‌പെഷ്യല്‍ ബ്രാഞ്ച് എ.സി.പി റെക്‌സ് ബോബി, കൊല്ലം എ.സി.പി കോശി എന്നിവരുടെ നേതൃത്വത്തില്‍ ജോസ് പ്രകാശ്, മനു, സജു, സീനു, ഹരിലാല്‍ എന്നിവരടങ്ങിയ പൊലിസ് സംഘമാണ്  പിടിച്ചെടുത്തത്.
കഴിഞ്ഞ ആഴ്ചയില്‍ ചാമക്കടയില്‍ നിന്നു 68 ചാക്കു റേഷന്‍ സാധാനങ്ങള്‍ പൊലിസ് പിടികൂടിയിരുന്നു.