മലപ്പുറം: എസ്.കെ.എസ്.എസ്.എഫ് ട്രെന്റ് ജില്ലാ സമിതിയുടെ എജ്യു പാര്‍ലമെന്റ് നാളെ പെരിന്തല്‍മണ്ണ എം.ഇ.എ എന്‍ജിയറിങ് കോളജില്‍ നടക്കും. ജില്ലയിലെ മുഴുവന്‍ മേഖലകളില്‍ നിന്നുമുള്ള ട്രെന്റ് ഭാരവാഹികളും ട്രൈനേഴ്‌സും പങ്കെടുക്കുന്ന പാര്‍ലമെന്റില്‍ സയ്യിദ് മുനവ്വറലി ശിഹാബ് തങ്ങള്‍ പാണക്കാട്, പ്രൊഫ. അബ്ദുല്‍ ഹമീദ് ഫൈസി അമ്പലക്കടവ്, ശഹീര്‍ അന്‍വരി പുറങ്ങ്, ട്രെന്റ് നേതാക്കള്‍ സംബന്ധിക്കും. ജില്ലയിലെ തെരഞ്ഞെടുക്കപ്പെട്ട പ്രതിഭകളെ അവാര്‍ഡ് നല്‍കി ആദരിക്കും. രാവിലെ ഒന്‍പതിന് ആരംഭിച്ച് വൈകുന്നേരം നാലിന് അവസാനിക്കുന്ന പരിപാടി പ്രതിഭാ സംഗമം, പുരസ്‌കാര വിതരണം, വിദ്യാഭ്യാസ വിചാരം സെഷനുകളിലായാണു നടക്കുന്നത്.