മങ്കട: കൃഷി ഭവന്‍ കര്‍ഷകരില്‍ നിന്നും സംഭരിച്ച നാളികേരത്തിന്റെ വില ഉടന്‍ വിതരണം ചെയ്യുക, കര്‍ഷക പെന്‍ഷന്‍ കുടിശ്ശിക വിതരണം ചെയ്യുന്നതിനു നടപടി സ്വീകരിക്കുക, നിര്‍ത്തിവെച്ച നാളികേര  സംഭരണം പുനസ്ഥാപിക്കുക തുടങ്ങിയ ആവശ്യങ്ങള്‍ ഉന്നയിച്ച് മങ്കട പഞ്ചായത്ത്  സ്വതന്ത്ര കര്‍ഷക സംഘത്തിന്റെ ആഭിമുഖ്യത്തില്‍ മങ്കട കൃഷി ഭവനിലേക്ക് മാര്‍ച്ച് നടത്തി. ഉമ്മര്‍ അറക്കല്‍ ഉദ്ഘാടനം ചെയ്തു. എ. മരക്കാര്‍ അധ്യക്ഷനായി. അഡ്വ. കെ. അസ്ഗര്‍ അലി, ടി. അബ്ദുല്‍ കരീം, മാമ്പ്ര അബ്ദു, നാസര്‍ പൂഴ്ത്തിനി, മദീന മുഹമ്മദ് എന്നിവര്‍ സംബന്ധിച്ചു.