പെരിന്തല്‍മണ്ണ: കരിങ്കല്ലത്താണി ആര്യദത്തം ആയുര്‍വേദ ചികിത്സാലയം ഏര്‍പ്പെടുത്തിയ പ്രഥമ ആര്യജ്യോതി പുരസ്‌കാരം ചലച്ചിത്രനടന്‍ മധുവിന് സമര്‍പ്പിച്ചു. പ്രകൃതിയോട് ഇണങ്ങുന്ന ചികിത്സകള്‍ക്ക് പ്രാധാന്യം ലഭിക്കണമെന്ന് പുരസ്‌കാരം സ്വീകരിച്ചുകൊ@ണ്ട് അദ്ദേഹം പറഞ്ഞു. ആയുര്‍വേദ ചികിത്സാരംഗത്ത് പ്രഗത്ഭനായ കെ.വി ഉണ്ണികൃഷ്ണനാണ് മധുവിന് പുരസ്‌കാരം സമ്മാനിച്ചത്. ആര്യദത്തം ആയുര്‍വേദ ചികിത്സാലയം ഗുരുനിത്യചൈതന്യയതിയുടെ ശിഷ്യന്‍ ഷൗക്കത്ത് സഹജോത്സു ഉദ്ഘാടനം ചെയ്തു. ഡോ. ശ്രീജിത്ത് ആര്യദത്തം മുഖ്യപ്രഭാഷണം നടത്തി. ഗീതാ ഗായത്രി, പി.ടി സലാം സംസാരിച്ചു. വിവിധ മേഖലകളില്‍ കഴിവു തെളിയിച്ച വാമനന്‍ നമ്പൂതിരി, അജീബ് കോമാച്ചി, ശ്രീജ ആറങ്ങോട്ടുകര, ഭാനുപ്രകാശ്, അബ്ദു അരീക്കോട്, പോരൂര്‍ ഉണ്ണികൃഷ്ണന്‍, പി.ടി സ്റ്റിബിന്‍ എന്നിവരെ ചടങ്ങില്‍ ആദരിച്ചു.