അരീക്കോട്: മൂര്‍ക്കനാട് കടവില്‍ തോണി മറിഞ്ഞ് എട്ടു വിദ്യാര്‍ഥികള്‍ മരിച്ച ചാലിയാര്‍ ദുരന്തത്തിന്റെ ഏഴാം വാര്‍ഷികത്തില്‍ അനുസ്മരണ പരിപാടികള്‍ സംഘടിപ്പിച്ചു. മൂര്‍ക്കനാട് സുബുലുസ്സലാം ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിനു കീഴിലാണു അനുസ്മരണ പരിപാടി നടത്തിയത്. വിദ്യാര്‍ഥികളുടെ ഓര്‍മക്കായി നിര്‍മിച്ച നടപ്പാലത്തിനു സമീപം വിദ്യാര്‍ഥികള്‍ തൈകള്‍ നട്ട് പിടിപ്പിച്ചു. പ്രിന്‍സിപ്പല്‍ കെ. അബ്ദുറസാഖ് അധ്യക്ഷനായി.