പഴയങ്ങാടി: മാട്ടൂല്‍ കുഞ്ഞിക്കണ്ണന്‍ ബസ് സ്റ്റോപിനു സമീപം കഴിഞ്ഞദിവസം രാത്രി യുവാവിനു വെട്ടേറ്റ സംഭവത്തില്‍ ആറു പേര്‍ക്കെതിരേ വധശ്രമത്തിനു കേസെടുത്തു. സംഘത്തിലെ ഒരാളെ തിരിച്ചറിഞ്ഞിട്ടില്ല. മാട്ടൂല്‍ സ്വദേശികളായ ബഷീര്‍, ഇര്‍ഫാന്‍, റഹീസ്, റസാഖ്, ജഹൂര്‍ എന്നിവര്‍ക്കെതിരേയാണ് പഴയങ്ങാടി പൊലിസ് വധശ്രമത്തിനു കേസെടുത്തത്. മാട്ടൂലിലെ ഭാര്യ വിട്ടിലേക്ക് കുടംബസമേതം പോവുകയായിരുന്ന കോരന്‍പീടിക സ്വദേശി ഉമൈറി(46)നെയാണ് ബൈക്കിലെത്തിയ സംഘം വെട്ടിപ്പരുക്കേല്‍പ്പിച്ചത്. വടിവാള്‍, കമ്പി, കുപ്പി എന്നിവ ഉപയോഗിച്ചാണ് അക്രമം നടത്തിയത്. ഗുരുതരമായി പരുക്കേറ്റ ഇയാളെ പരിയാരം മെഡിക്കല്‍ കോളജിലും തുടര്‍ന്ന് മംഗളൂരു സ്വകാര്യ ആശുപത്രിയിലേക്കും മാറ്റി.