ചക്കരക്കല്‍: പൊതുവാച്ചേരി ശിഹാബ് തങ്ങള്‍ റിലീഫ് സെല്‍, ശാഖാ മുസ്‌ലിം ലീഗ്, യൂത്ത് ലീഗ് സംയുക്തമായി നിര്‍മിച്ചു നല്‍കുന്ന ബൈത്തുറഹ്മയുടെ താക്കോല്‍ ദാനം നാളെ നടക്കും. വൈകുന്നേരം നാലിന് കണ്ണോത്തുംചിറയില്‍ പാണക്കാട് സയ്യിദ് റഷീദലി ശിഹാബ് തങ്ങള്‍ താക്കോല്‍ കൈമാറും. പൊതുയോഗത്തില്‍ അഡ്വ. ശ്യാംസുന്ദര്‍, വി.കെ അബ്ദുല്‍ ഖാദര്‍ മൗലവി, അന്‍സാരി തില്ലങ്കേരി, അഡ്വ. പി.വി സൈനുദ്ദീന്‍, എന്‍.പി താഹിര്‍, ഇസുദീന്‍ പൊതുവാച്ചേരി, ഫാസില്‍, അബ്ദുല്‍ റസാഖ് സംസാരിക്കും. വാര്‍ത്താസമ്മേളനത്തില്‍ ചെയര്‍മാന്‍ കെ റഊഫ്, കെ സകരിയ, കെ.കെ അശ്രഫ് പങ്കെടുത്തു.
ശാന്തി സമ്മേളനം ഏഴിന്
കണ്ണൂര്‍: രാഷ്ട്രീയ കൊലപാതകങ്ങള്‍ക്കെതിരേ ജില്ലയിലെ എസ്.എന്‍.ഡി.പി യോഗം യൂനിയനുകളുടെ സംയുക്താഭിമുഖ്യത്തില്‍ ആര്‍ ശങ്കര്‍ അനുസ്മരണ ദിനമായ ഏഴിനു വൈകുന്നേരം മൂന്നിന് കണ്ണൂര്‍ സ്‌റ്റേഡിയം കോര്‍ണറില്‍ ശാന്തി സമ്മേളനം നടത്തും. ദേവസ്വം സെക്രട്ടറി അരയാക്കണ്ടി സന്തോഷ് ഉദ്ഘാടനം ചെയ്യും. വി.പി ദാസന്‍ അധ്യക്ഷനാകും. സ്വാമി പ്രേമാനന്ദ സമാധാന സന്ദേശം നല്‍കും. വാര്‍ത്താസമ്മേളനത്തില്‍ സംഘാടകരായ വി.പി ദാസ്, കെ സത്യന്‍, ജിതേഷ് വിജയന്‍, കെ.പി ഗോപാലന്‍ സംബന്ധിച്ചു.