കോതമംഗലം: മുത്തം കുഴിയില്‍ രാത്രിയില്‍ വീട്ടില്‍ കയറി പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച സംഭവത്തില്‍ അന്വേഷണം നീളുന്നത് പെണ്‍കുട്ടിയുടെ സുഹൃത്തിലേക്കും കൂട്ടാളികളിലേക്കും. ബുധനാഴ്ച രാത്രിയിലാണ് പെണ്‍കുട്ടി പിഡനത്തിന് ഇരയായത്. ഒന്നാം വര്‍ഷ ഡിഗ്രി വിദ്യാര്‍ഥിനിയായ പെണ്‍കുട്ടിയുടെ സുഹൃത്തിനെ കേന്ദ്രികരിച്ചാണ് പൊലിസ് അന്വേഷണം പുരോഗമിക്കുന്നത്.
പ്രതിയെ കുറിച്ച് വ്യക്തമായ സുചനകള്‍ ലഭിച്ചതായാണറിയുന്നത്.മദ്യത്തിനും മയക്കുമരുന്നിനും അടിമയായ യുവാവ് പെണ്‍കുട്ടിയെ വലയില്‍ വീഴ്ത്തുകയായിരുന്നു. സംഭവത്തിന് ശേഷം വ്യാഴാഴ്ച ഉച്ചവരെ ഇയാള്‍ കോതമംഗലത്തും പരിസര പ്രദേശത്തും ഉണ്ടായിരുന്നതായി മനസിലാക്കിയിട്ടുണ്ട്. പൊലിസ് കേസ് എടുത്ത ശേഷം മൊബൈല്‍ സ്വിച്ചോഫ് ചെയ്ത് മുങ്ങിയിരിക്കുകയാണ്. ഇയാളോടൊപ്പമുണ്ടായിരുന്നവരെ കുറിച്ച് വിവരങ്ങള്‍ ശേഖരിച്ചു വരികയാണ്.