നെടുമ്പാശ്ശേരി: കുന്നുകര ഗ്രാമപഞ്ചായത്ത് കേരളോത്സവം ഈ മാസം ഒന്‍പത് മുതല്‍ 13 വരെ നടക്കും. കലാമല്‍സരങ്ങളില്‍ മലയാളം പ്രസംഗം, വാട്ടര്‍ കളര്‍ പെയിന്റിംഗ്, പെന്‍സില്‍ ഡ്രോയിംഗ്, ലളിതഗാനം, മാപ്പിളപ്പാട്ട്, നാടന്‍പാട്ട്, കവിതാ മല്‍സരം, ഏകാംഗ നാടകം, ചെണ്ട, വയലില്‍, നാടോടി നൃത്തം, സംഘനൃത്തം, തിരുവാതിര കളി എന്നീ ഇനങ്ങളാണ് ഉള്‍പ്പെടുത്തിയിരിക്കുന്നത്.
കായിക മല്‍സരങ്ങളില്‍ 100 മീറ്റര്‍, 200 മീറ്റര്‍, 800 മീറ്റര്‍, 1500 മീറ്റര്‍, 5000 മീറ്റര്‍, 4ഗുണം100 മീറ്റര്‍ റിലേ എന്നീ വിഭാഗങ്ങളില്‍ ഓട്ട മല്‍സങ്ങളും ഷോട്ട്പുട്ട്, ലോങ് ജംപ് ,ഹൈജംപ് ഇനങ്ങളും ഉള്‍പ്പെടുത്തിയിട്ടുണ്ട്. വോളിബോള്‍, ഷട്ടില്‍ ബാഡ്മിന്റെണ്‍, ഫുട്‌ബോള്‍, ക്രിക്കറ്റ്, ചെസ്സ്, വടംവലി, കബഡി തുടങ്ങിയ ഗെയിംസ് ഇനങ്ങളിലും മല്‍സരങ്ങള്‍ നടക്കും.
18 നും 40നും മദ്ധ്യേ പ്രായമുള്ളവര്‍ക്ക് മല്‍സരങ്ങളില്‍ പങ്കെടുക്കാം. പങ്കെടുക്കാന്‍ ആഗ്രഹിക്കുന്നവര്‍ നവംബര്‍ 8 ആം തീയതി വൈകീട്ട് 3 മണിക്ക് മുന്‍പായി നിശ്ചിത അപേക്ഷാ ഫോറത്തില്‍ പഞ്ചായത്ത് ഓഫീസിലോ, ഗ്രാമ പഞ്ചായത്ത് അംഗങ്ങള്‍ മുഖേനയോ പേര് രജിസ്റ്റര്‍ ചെയ്യണം.