തൊടുപുഴ: തൊഴിലുറപ്പു പദ്ധതിയില്‍ ഉള്‍പ്പെടുത്തി ഇടവെട്ടിച്ചിറ പുനഃര്‍നിര്‍മ്മിച്ച് സംരക്ഷിക്കുമെന്ന് അഡ്വ: ജോയ്‌സ ജോര്‍ജ്ജ് എം.പി പറഞ്ഞു. ചിറയുടെ പുനഃരുദ്ധാരണത്തെക്കുറുച്ചാലോചിക്കുന്നതിനായി  ഇന്ന് വൈകിട്ട്  മൂന്നിന് ഇടവെട്ടിച്ചിറയില്‍ പ്രത്യേക യോഗം ചേരും. ഇടവെട്ടിച്ചിറ എന്‍.എസ്.എസ് കരയോഗ മന്ദിരത്തില്‍ ചേരുന്ന പ്രത്യേക യോഗത്തില്‍ പി.ജെ ജോസഫ് എം.എല്‍.എ, ജില്ലാ കലക്ടര്‍ ജി.ആര്‍ ഗോകുല്‍, ജില്ലാ പഞ്ചായത്ത് വൈസ് പ്രസിഡന്റ്, ബ്ലോക്ക് ഗ്രാമ പഞ്ചായത്ത് പ്രസിഡന്റുമാര്‍, ത്രിതല പഞ്ചായത്തംഗങ്ങള്‍, തൊഴിലുറപ്പു പദ്ധതിയുടെ ജില്ലാ ബ്ലോക്ക്തല ഉദ്യോഗസ്ഥര്‍, രാഷ്ട്രീയ സാമൂഹ്യ രംഗത്തെ പ്രമുഖര്‍ തുടങ്ങിയവര്‍ പങ്കെടുക്കും.