ചാവക്കാട്: തൊട്ടാപ്പില്‍ വിദ്യാര്‍ഥികള്‍ക്ക് വില്‍ക്കാന്‍ കഞ്ചാവ് സൂക്ഷിച്ച യുവാവ് അറസ്റ്റില്‍. കടപ്പുറം തൊട്ടാപ്പ് കറുപ്പന്‍ വീട്ടില്‍ സജിത് കുമാറിനെയാണ് (31) ചാവക്കാട് എസ്.ഐ എം.കെ രമേഷിന്റെ നേതൃത്വത്തില്‍ സി.പി.ഒമാരായ വേണു, ശ്രീനാഥ് എന്നിവര്‍ അറസ്റ്റ് ചെയ്തത്. ഇന്നലെ 11.30 ഓടെയാണ് സംഭവം. യുവാവിനെ പരിശോധിച്ചപ്പോള്‍ 40 ഗ്രാമിന്റെ 8 കഞ്ചാവ് പൊതികളും കണ്ടെത്തിയിരുന്നു.
തീരമേഖലയിലെ സ്‌കൂള്‍ വിദ്യാര്‍ഥികള്‍ക്ക് വില്‍ക്കാനാണ് കഞ്ചാവ് സൂക്ഷിക്കുന്നതെന്ന് യുവാവ് സമ്മതിച്ചതായി പൊലിസ് പറഞ്ഞു.