കുന്നംകുളം: പെരിന്തിരിത്തി എ.എസ്.എല്‍.പി സ്‌കൂളില്‍ സ്‌നേഹപൂര്‍വ്വം സുപ്രഭാതം പദ്ധതിക്ക് തുടക്കമായി. സ്‌കൂളില്‍ നടന്ന ചടങ്ങില്‍ നൂറുദ്ധീന്‍ ഹാജി, എ.വൈ മുഹമ്മദ്കുട്ടി എന്നിവരില്‍ നിന്നും വിദ്യാര്‍ഥികളായ ഫാതിമ റിസ്‌ന, അശ്വിന്‍ കൃഷ്ണ എന്നിവര്‍ സുപ്രഭാതം ദിനപത്രം ഏറ്റുവാങ്ങി.
സമകാലിക കേരളത്തില്‍ നിരവധി ദിനപത്രങ്ങള്‍ ഉണ്ടായിട്ടും നേരിന്റെ പക്ഷത്ത് നിന്നുമുള്ള യാഥാര്‍ഥ്യങ്ങള്‍ ജനങ്ങള്‍ക്ക് മുന്നില്‍ കലര്‍പ്പില്ലാതെ എത്തിക്കാനുള്ള ധീരതയാണ് സുപ്രഭാതത്തെ ജനകീയ പത്രമാക്കി മാറ്റാന്‍ കാരണമായതെന്ന് പത്രത്തെ പരിചയപെടുത്തിയ ഉമ്മര്‍ ഫൈസി വില്ലന്നൂര്‍ പറഞ്ഞു. കെ.മൊയ്തുണ്ണി ഹാജി അധ്യക്ഷനായിരുന്നു. സ്‌കൂള്‍ എച്ച്.എം റീജ വര്‍ഗ്ഗീസ്, കെ.എം അബ്ദുള്‍സലാം, കെ.എം റസാഖ്, കെ.എം ഹനീഫ, സുജ.സി.ജോര്‍ജ്ജ്, റഹ്മത്ത് മുനീറ തുടങ്ങിയവര്‍ സംസാരിച്ചു.