താമരശ്ശേരി: കക്കൂസ് മാലിന്യങ്ങള്‍ ദേശീയപാതയോരത്തും തോട്ടിലും തള്ളിയതായി നാട്ടുകാരുടെ പരാതി. പുതുപ്പാടി അടിവാരത്തെ ഗദ്‌സമന്‍ പാര്‍ക്ക് എന്ന സ്ഥാപനത്തില്‍ നിന്നുള്ള കക്കൂസ് മാലിന്യമാണ് തൊട്ടടുത്ത തോട്ടിലേക്കു ഒഴുക്കിയതെന്ന് നാട്ടുകാര്‍ പരാതിപ്പെട്ടു.
പ്രദേശവാസികള്‍ വിവരമറിയിച്ചതിനെ തുടര്‍ന്ന് പൊലിസും ആരോഗ്യ വകുപ്പ് അധികൃതരും സ്ഥലത്തെത്തി പരിശോധന നടത്തി. ഇതോടെ തോടിനെ ആശ്രയിച്ചു നില്‍ക്കുന്ന കൈതപ്പൊയില്‍ ആനോറ കുടിവെള്ള പദ്ധതിയില്‍ നിന്നും വെള്ളമെടുക്കുന്നത് അധികൃതര്‍ വിലക്കിയിട്ടുണ്ടണ്ട്. കുടിവെള്ള പദ്ധതിയുടെ ടാങ്ക് കഴുകി വൃത്തിയാക്കിയതിനു ശേഷം മാത്രം വെള്ളം ഉപയോഗിക്കാനാണ് നിര്‍ദേശം. ദേശീയപാതയില്‍ പുല്ലാഞ്ഞിമേട് വളവിനു സമീപം റോഡരികില്‍ സാമൂഹ്യവിരുദ്ധര്‍ ഇന്നലെ പുലര്‍ച്ചെ മാലിന്യം നിക്ഷേപിക്കുകയായിരുന്നു.