മുക്കം: ചെറുവാടി തറമ്മല്‍ കടവില്‍ നിന്നു ഇരുമ്പു തോണിയും മണലും മുക്കം പൊലിസ് പിടികൂടി. മണല്‍ക്കടത്ത് വ്യാപകമായതിനെ തുടര്‍ന്ന് ഫ്‌ളയിങ് സ്‌ക്വാഡ് ചെറുവാടി മേഖലയില്‍ പരിശോധന ശക്തമാക്കിയിരുന്നു. ഇതേതുടര്‍ന്ന് കഴിഞ്ഞദിവസം രാത്രി പരിശോധനയില്‍ മണല്‍ വാരുന്നത് ശ്രദ്ധയില്‍പ്പെട്ടങ്കിലും പൊലിസിനെ കണ്ട് തോണി വെള്ളത്തില്‍ മുക്കി തൊഴിലാളികള്‍ രക്ഷപ്പെട്ടു.
ഇന്നലെ ജെ.സി.ബി ഉപയോഗിച്ച് തോണി കരക്കെത്തിക്കുകയും തോണിയിലെ മണല്‍ ലേലം ചെയ്യുകയുമായിരുന്നു.
മണല്‍വേട്ടക്കും ലേല നടപടികള്‍ക്കും മുക്കം എസ്.ഐ സനല്‍രാജ്, സലീം, സിവില്‍ പൊലിസ് ഓഫിസര്‍ ബിജു എബ്രഹാം, ഫ്‌ളയിങ് സ്‌ക്വാഡ് എ.എസ്.ഐ മധു, സ്‌പെഷല്‍ വില്ലേജ് ഓഫിസര്‍ പ്രതാപന്‍, ഗ്രാമപഞ്ചായത്ത് പ്രസിഡന്റ് സി.ടി.സി അബ്ദുല്ല എന്നിവര്‍ നേതൃത്വം നല്‍കി.