കട്ടാങ്ങല്‍: മണ്ഡലം യൂത്ത് ലീഗ് മൂന്ന് ദിവസങ്ങളിലായി കോഴിക്കോട് മെഡിക്കല്‍ കോളജില്‍ സംഘടിപ്പിച്ച കൂട്ട രക്തദാന ക്യാംപ് സമാപിച്ചു. ജില്ലാ എം.എസ്.എഫ് പ്രസിഡന്റ് സമദ് പെരുമണ്ണ ബ്ലഡ് നല്‍കി ഉദ്ഘാടനം ചെയ്തു.  ഹഖിം മാസ്റ്റര്‍ അധ്യക്ഷനായി, ജില്ലാ ലീഗ് സെക്രട്ടറി കെ.എ കാദര്‍ മാസ്റ്റര്‍ മുഖ്യാതിഥിയായിരുന്നു. ഡോ.അര്‍ച്ചന, ഒ ഉസ്സയിന്‍, സലിംകുറ്റിക്കാട്ടൂര്‍, കുഞ്ഞിമരക്കാര്‍ മലയമ്മ, ഒ സലിം, എന്‍ എം യൂസുഫ്, സിറാജ്ചാത്തമംഗലം, ശിഹാബ് റഹ്മാന്‍, സിദ്ധീഖ് തെക്കേയില്‍, അഷറഫ് പ ുള്ളന്നൂര്‍, അഫ്‌സല്‍ കളന്‍ തോട്, ഇസ്സുദ്ധീന്‍ പാഴൂര്‍, അഷറഫ് കൂളിമാട് തുടങ്ങിയവര്‍ സംസാരിച്ചു.