വടകര: ജില്ലാ സീനിയര്‍ പുരുഷ-വനിതാ വോളിബോള്‍ ചാംപ്യന്‍ഷിപ്പ് ഉദയ മേമുണ്ടയുടെ നേതൃത്വത്തില്‍ നവംബര്‍ 27 മുതല്‍ ഡിസംബര്‍ നാലുവരെ മേമുണ്ട ഹയര്‍സെക്കന്ററി സ്‌കൂള്‍ ഫ്‌ളഡ്‌ലിറ്റ് സ്റ്റേഡിയത്തില്‍ നടക്കും. ഇതിനായി 201 അംഗ സ്വാഗതസംഘം രൂപീകരിച്ചു. മേമുണ്ട എച്ച്.എസ്.എസ് മാനേജര്‍ ടി.വി.ബാലകൃഷ്ണന്‍ നമ്പ്യാര്‍ രൂപീകരണ യോഗം ഉദ്ഘാടനം ചെയ്തു. വാര്‍ഡ്‌മെമ്പര്‍ റീന പുതിയേടത്ത് അധ്യക്ഷയായി. സി.ഇ.ശശിധരന്‍ റിപ്പോര്‍ട്ട് അവതരിപ്പിച്ചു. സി.വി.വിജയന്‍, ആര്‍.മാണിക്കോത്ത്, എന്‍.കെ.രാമകൃഷ്ണന്‍, സി.എം.ഷാജി, പി.രാജന്‍, എ.പി.അമര്‍നാഥ്, തട്ടാരി പ്രകാശന്‍, ജാസിം എടക്കുടി, കീഴത്ത് പത്മനാഭന്‍, പി.പി.നാരായണന്‍ തുടങ്ങിയവര്‍ സംസാരിച്ചു.
ഭാരവാഹികളായി കെ.കെ.മോഹനന്‍ (ചെയര്‍മാന്‍), സി.ഇ.ശശിധരന്‍ (ജനറല്‍ കണ്‍വീനര്‍), പി.രാജന്‍ (ജനറല്‍ സെക്രട്ടറി), രാഘവന്‍ മാണിക്കോത്ത് (കോ-ഓര്‍ഡിനേറ്റര്‍), ബിജു മുളിയില്‍ (ഖജാന്‍ജി) എന്നിവരെ തെരഞ്ഞെടുത്തു.