കോഴിക്കോട്: മൃഗാശുപത്രി  മുഖാന്തരം ലഭിക്കേണ്ട പെല്ലറ്റ് കര്‍ഷകര്‍ക്ക് നല്‍കാത്തതിന്റെ ദുരൂഹത അന്വേഷിക്കണമെന്നും ക്ഷീരകര്‍ഷകര്‍ക്ക് അടിയന്തരമായി പെല്ലറ്റുകള്‍  ലഭ്യമാക്കാന്‍ നടപടി സ്വീകരിക്കണമെന്നും കേരള ക്ഷീരകര്‍ഷക കോണ്‍ഗ്രസ് കോഴിക്കോട് ജില്ലാ  നേതൃയോഗം ആവശ്യപ്പെട്ടു.
 ജില്ലാ പ്രസിഡന്റ് എ.പി പീതാംബരന്‍ അധ്യക്ഷനായി.  ജോയ് പ്രസാദ് പുളിക്കല്‍ ഉദ്ഘാടനം ചെയ്തു. അനില്‍ തലക്കുളത്തൂര്‍, ലീലാമ്മ  ജോസഫ്, കുര്യന്‍ ജോസഫ് കോട്ടയില്‍, കെ.വി ദാമോദരന്‍, പി രാധാകൃഷ്ണന്‍, കെ സുരേഷ് ബാബു, കെ ഹരിദാസക്കുറുപ്പ്, ബിജു മാളിയേക്കല്‍, ടി.ജെ  ഫ്രാന്‍സിസ്, വി രവി കുറ്റിയില്‍, അജിത് പ്രസാദ് കുയ്യാലില്‍, പ്രകാശന്‍  ചാലിയകത്ത്, അഡ്വ ബിജു കണ്ണന്തറ, കെ.ടി രജനി സംസാരിച്ചു.