ന്യൂയോര്‍ക്ക്: യു,എസ് പ്രസിഡന്റ് തെരഞ്ഞെടുപ്പിന് തലേ ദിവസം അമേരിക്കയില്‍ ആക്രമണം നടത്താന്‍ അല്‍ഖാഈദ പദ്ധതിയിടുന്നതായി രഹസ്യാന്വേഷണ റിപ്പോര്‍ട്ട്. ന്യൂയോര്‍ക്ക്, ടെക്‌സാസ്, വെര്‍ജീനിയ, എന്നീ നഗരങ്ങള്‍ കേന്ദ്രീകരിച്ചാവും ആക്രമണമെന്ന മുന്നറിയിപ്പിനെ തുടര്‍ന്ന് ഇവിടങ്ങളില്‍ അതീവ ജാഗ്രതാ നിര്‍ദ്ദേശം നല്‍കിയിട്ടുണ്ട്. ഏതെല്ലാം നഗരങ്ങളേയാണ് ഭീകരര്‍ ലക്ഷ്യം വെയ്ക്കുന്നതെന്ന അറിയില്ലെങ്കിലും പ്രധാനമായും ആഫ്രിക്കന്‍ വംശജരായ വോട്ടര്‍മാരെ ലക്ഷ്യം വെച്ചായിരിക്കും ആക്രമണമെന്ന് രഹസ്യാന്വേഷണ വകുപ്പിന്റെ റിപ്പോര്‍ട്ടില്‍ പറയുന്നുണ്ട്.

അതേസമയം ആക്രമണവുമായി ബന്ധപ്പെട്ട മുന്നറിയിപ്പിനെക്കുറിച്ച് എഫ്.ബി.ഐ കൂടുതല്‍ വിവരങ്ങള്‍ പുറത്തുവിട്ടിട്ടില്ല. ഏത് സാഹചര്യത്തേയും നേരിടാന്‍ തയ്യാറാണെന്ന സുരക്ഷാസേന അറിയിച്ചു. ഈ മാസം എട്ടിനാണ് അമേരിക്കയില്‍ തെരഞ്ഞെടുപ്പ് നടക്കുന്നത്.