വടക്കാഞ്ചേരി: വടക്കാഞ്ചേരി പീഡനക്കേസ് അന്വേഷിക്കുന്ന സംഘത്തില്‍ അഴിച്ചുപണി. പാലക്കാട് ടൗണ്‍ എ.എസ്.പി ജി. പൂങ്കുഴലിക്കാണ് അന്വേഷണചുമതല. സൗത്ത് സോണ്‍ എ.ഡി.ജി.പി ബി.സന്ധ്യ മേല്‍നോട്ടം വഹിക്കും.

കേസ് മുമ്പ് കൈകാര്യം ചെയ്തിരുന്ന പേരാമംഗലം സിഐ ഉള്‍പ്പെടെയുള്ളവരെ മാറ്റി നിര്‍ത്തിയാണ് പുതിയ അന്വേഷണസംഘത്തെ രൂപീകരിച്ചത്. തൃശൂരിലെത്തിയ എ.ഡി.ജി.പി ബി. സന്ധ്യ അന്വേഷണ സംഘവുമായി കൂടിക്കാഴ്ച നടത്തി. യുവതിയുടെ പരാതിയില്‍ ആദ്യം മുതല്‍ അന്വേഷണം തുടങ്ങാനാണ് തീരുമാനം.