കാബൂള്‍: അഫ്ഗാനിസ്താനിലുണ്ടായ സ്‌ഫോടനത്തില്‍ 11 പേര്‍ കൊല്ലപ്പെട്ടു. വടക്കന്‍ അഫ്ഗാനിസ്താനിലെ ഫര്യാബ് പ്രവിശ്യയിലാണ് സ്‌ഫോടനമുണ്ടായത്. സംഭവത്തില്‍ 12 പേര്‍ക്ക് പരുക്കേറ്റു. വിവാഹഘോഷത്തില്‍ പങ്കെടുത്തവരാണ് സ്‌ഫോടനത്തില്‍ ഇരയായവര്‍. സ്ത്രീകളും കുട്ടികളുമടങ്ങുന്നവരാണ് കൊല്ലപ്പെട്ടത്. റോഡിന് സമീപം നിര്‍ത്തിയിട്ടിരുന്ന വാഹനത്തില്‍ നിന്നാണ് സ്‌ഫോടനമുണ്ടായതെന്ന് അധികൃതര്‍ അറിയിച്ചു.

സ്‌ഫോടനത്തിന്റെ ഉത്തരവാദിത്തം ഇത് വരെ ആരും ഏറ്റെടുത്തിട്ടില്ല, സ്‌ഫോടനത്തിനായി ഐ.ഇ.ഡി ഇനത്തില്‍പ്പെട്ട സ്‌ഫോടകവസ്തുവാണ് ഉപയോഗിച്ചിരിക്കുന്നതെന്നും അധികൃതര്‍ പറഞ്ഞു.