ഗൂഡല്ലൂര്‍: തമിഴ്‌നാട് നിയമസഭാ തെരഞ്ഞെടുപ്പ് വോട്ടെണ്ണല്‍ നാളെ നടക്കും. നീലഗിരി ജില്ലയിലെ ഊട്ടി, കുന്നൂര്‍, ഗൂഡല്ലൂര്‍ എന്നി നിയോജക മണ്ഡലങ്ങളിലെ വോട്ടെണ്ണല്‍ നാളെ ഊട്ടി ഫിങ്കര്‍പോസ്റ്റിലെ പോളിടെക്‌നിക് കോളജില്‍ നടക്കും. രാവിലെ എട്ട് മണിക്കാണ് വോട്ടെണ്ണല്‍ നടക്കുന്നത്. കഴിഞ്ഞ നിയമസഭാ തെരഞ്ഞെടുപ്പിനെക്കാള്‍ ഇത്തവണ പോളിംഗ് ശതമാനം കുറവാണ്. 100 ശതമാനം വോട്ടവകാശം വിനിയോഗിക്കുന്നതിന് ജില്ലാ ഭരണകൂടം ബോധവത്കരണ പരിപാടികള്‍ സംഘടിപ്പിച്ചിരുന്നുവെങ്കിലും അതൊന്നും പ്രയോജനം ചെയ്തിട്ടില്ല. പോളിംഗിനെ നീലഗിരിയില്‍ പത്ത് സ്ഥലങ്ങളില്‍ വോട്ടിംഗ് യന്ത്രങ്ങള്‍ കേടായി. 2011ലെ തിരഞ്ഞെടുപ്പിനെക്കാള്‍ ഇത്തവണത്തെ തിരഞ്ഞെടുപ്പില്‍ 43,000 വോട്ടര്‍മാരാണ് വര്‍ധിച്ചിത്. മണ്ഡലം തിരിച്ചുള്ള പോളിംഗ് ശതമാനം. ഊട്ടി നിയോജക മണ്ഡലം: 68.61, ഗൂഡല്ലൂര്‍ നിയോജക മണ്ഡലം: 72.37, കുന്നൂര്‍ നിയോജക മണ്ഡലം: 70.81 ശതമാനം എന്നിങ്ങനെയാണ്.