മലപ്പുറം: വിദ്യാഭ്യാസ രംഗത്തെ സമഗ്ര സംഭാവനക്ക് എസ്.കെ.എസ്.എസ്.എഫ് ട്രെന്റ് ജില്ലാസമിതി നല്‍കുന്ന അവാര്‍ഡ് ഇന്നു പെരിന്തല്‍മണ്ണ എം.ഇ.എ എന്‍ജിനിയറിങ് കോളജില്‍ നടക്കുന്ന ട്രെന്റ് എഡ്യു പാര്‍ലമെന്റില്‍ വെച്ച് അടക്കാകുണ്ട് എ.പി ബാപ്പു ഹാജിക്കു സമര്‍പ്പിക്കും. വാഫി പി.ജി കാമ്പസ്, ക്രെസന്റ് സ്‌കൂള്‍, 'ഹിമ' പ്രവര്‍ത്തനം തുടങ്ങിയ സാമൂഹിക ക്ഷേമപ്രവര്‍ത്തനങ്ങള്‍ പരിഗണിച്ചാണ് അവാര്‍ഡ്.
മേഖലാ ട്രെന്റ് ഭാരവാഹികള്‍ പങ്കെടുക്കുന്ന ചടങ്ങില്‍ ജില്ലയില്‍ ഇപ്രാവശ്യം സിവില്‍ സര്‍വിസ് നേടിയവര്‍, മെഡിക്കല്‍ എന്‍ജിനിയറിങ് എന്‍ട്രന്‍സില്‍ ആദ്യ 10 റാങ്കില്‍ ഉള്‍പ്പെട്ടവര്‍, പ്ലസ്ടുവിന് ഫുള്‍മാര്‍ക്ക് വാങ്ങിയവര്‍, തെരഞ്ഞെടുക്കപ്പെട്ട ശാസ്ത്ര പ്രതിഭകള്‍, മറ്റ് പ്രമുഖ നേതാക്കള്‍ എന്നിവരും അവാര്‍ഡ് ഏറ്റുവാങ്ങും. പ്രമുഖര്‍ സംബന്ധിക്കും.

.