കാളികാവ്: കൊയ്ത്തുത്സവം ആഘോഷമാക്കി എന്‍.എസ്.എസ് വിദ്യാര്‍ഥികള്‍. മമ്പാട്ടുമൂല കറുത്തേടത്ത് മുഹമ്മദിന്റെ കൃഷിയിടത്തിലെ കൊയ്ത്തുത്സവമാണു വിദ്യാര്‍ഥികള്‍ ആഘോഷമാക്കിയത്. അന്യം നിന്നു പോകുന്ന കാര്‍ഷിക സംസ്‌കാരം വീണ്ടെടുക്കുന്നതിന്റെ ഭാഗമായി പൂക്കോട്ടുംപാടം ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ 100 എന്‍.എസ്.എസ് വിദ്യാര്‍ഥികളാണു കൊയ്ത്തുത്സവത്തിന് വയലിലിറങ്ങിയത്.
കാളികാവ് ബ്ലോക്ക് പഞ്ചായത്തംഗം പൈനാട്ടില്‍ അഷ്‌റഫ് കൊയ്ത്തുത്സവം ഉദ്ഘാടനം ചെയ്തു. ചോക്കാട് കൃഷി ഓഫിസര്‍ കെ.പി.ശ്രീജ, അബ്ദുല്‍ മജീദ്, രാജേന്ദ്രന്‍, ഹൈദര്‍, കെ.സിദ്ദീഖ് എന്നിവര്‍ പ്രസംഗിച്ചു. പ്രോഗ്രാം ഓഫീസര്‍ എ. റിയാസ് ബാബു, മനോജ് കുമാര്‍, ദൃശ്യനാഥ്, കെ.അശ്വിന്‍, അഖില മോള്‍, സഫ്ദര്‍ കടവത്ത്, പി.ആര്‍.പ്രണവ് എന്നിവര്‍ നേതൃത്വം നല്‍കി.