എടപ്പാള്‍: നിയന്ത്രണം വിട്ട ഓട്ടോ താഴ്ചയിലേക്കു മറിഞ്ഞു മൂന്നു പേര്‍ക്കു പരുക്കേറ്റു. തിരുന്നാവായ സ്വദേശികളായ വെങ്ങാളു പറമ്പില്‍ സുലോചന(50), മകന്‍ സുഭീഷ്(25), ബന്ധു മണ്ഡകപറമ്പില്‍ കാര്‍ത്ത്യായിനി(52) എന്നിവര്‍ക്കാണു പരുക്കേറ്റത്. ഇന്നലെ ഉച്ചയ്ക്ക് ഒന്നരക്കു മൂതൂര്‍ കൗപ്ര പോസ്റ്റ് ഓഫിസിനു സമീപത്താണ് അപകടം നടന്നത്. ബന്ധു വീട്ടിലെത്തി തിരികെ മടങ്ങുമ്പോള്‍ ഓട്ടോ നിയന്ത്രണം വിട്ടു റോഡിന് എതിര്‍ വശത്തുള്ള സ്വകാര്യ വ്യക്തിയുടെ പറമ്പിലേക്ക് മറിയുകയായിരുന്നു.