വണ്ടൂര്‍: നടുവത്ത് അങ്ങാടിയില്‍ ബൈക്കുകള്‍ കൂട്ടിയിടിച്ചുണ്ടായ അപകടത്തില്‍ വീട്ടമ്മയടക്കം രണ്ടു പേര്‍ക്ക് പരുക്കറ്റു. സ്‌കൂട്ടര്‍ യാത്രക്കാരിയായ പെരുമ്പാവൂര്‍ സ്വദേശി ലത(41),വണ്ടൂര്‍ സി.എച്ച്.സിക്ക് സമീപം താമസിക്കുന്ന പി.രവീന്ദ്രന്‍ എന്നിവര്‍ക്കാണ് പരുക്കേറ്റത്. ഇന്നലെ അഞ്ചോടെയായിരുന്നു അപകടം. വീട്ടമ്മയായ ലത വണ്ടൂര്‍ ഭാഗത്തു നിന്നും നിലമ്പൂര്‍ ചുങ്കത്തറ ജ്യോതി കോണ്‍വെന്റിനേക്ക് സ്‌കൂട്ടറില്‍ പോകുന്നതിനിടെ നടവത്ത് ബാങ്കിന് മുന്‍ വശംവെച്ച് എതിരെ വന്ന ബൈക്കിലിടിച്ചായിരുന്നു അപകടം. ഗുരുതരമായി പരുക്കേറ്റ ലതയെ പെരിന്തല്‍മണ്ണയിലെ ആശുപത്രിയിലും രവീന്ദ്രനെ വണ്ടൂര്‍ നിംസ് ആശുപത്രിയിലും പ്രവേശിപ്പിച്ചു.