കുന്നംകുളം: സമൂഹത്തില്‍ പുത്തന്‍ സന്ദേശം എത്തിക്കുന്നതിനായി നടത്തുന്ന വ്യത്യസ്തമാര്‍ന്ന സംഗീത പരിപാടിയില്‍ പങ്കാളികളാകുവാന്‍ സാധിച്ചതിന്റെ സന്തോഷത്തിലാണ് ഒരു കൂട്ടം വയലിന്‍ വിദ്യാര്‍ഥികള്‍.
വയലിനിസ്റ്റ് ബാല ബാസ്‌കറിനോടൊപ്പം ഒരേ വേദിയില്‍ വയലിന്‍ വായിക്കുവാന്‍ ലഭിച്ച അസുലഭ മുഹൂര്‍ത്തം അവസ്മരണീയമാക്കാനുള്ള ഒരുക്കത്തിലാണ് പ്രദേശത്തെ നൂറോളം വിദ്യാര്‍ഥികള്‍. വിദ്യാര്‍ഥികള്‍ക്കിടയില്‍ ഉയര്‍ന്നു വരുന്ന ലഹര ിഉല്‍പന്നങ്ങളുടെ ഉപയോഗത്തിനെതിരെ വ്യത്യസ്തമായ ഒരു ബോധവല്‍കരണ പരിപാടിയാണ് ഷെയര്‍ ആന്റ് കെയര്‍ ചാരിറ്റബല്‍ സൊസൈറ്റി കുന്നംകുളം പൊലിസിന്റെ സഹകരണത്തോടെ സംഘടിപ്പിക്കുന്നത്.
ഇതിനായ് വയലിന്‍ അധ്യാപകരായ ശിവദാസ് ചിത്രാംബരി, ഉണ്ണികൃഷ്ണന്‍ പാലുവായ് എന്നിവരുടെ നേതൃത്വതില്‍ പരിശീലനത്തിലാണ് ഇവര്‍. മൂന്നാം ക്ലാസ് മുതലുള്ള കുട്ടികള്‍ പരിപാടിയില്‍ അണിനിരക്കുന്നുണ്ട്. നാദവിസ്മയം ലഹരി വിമുക്തം എന്ന പരിപാടിയുടെ ഒരുക്കങ്ങള്‍ പൂര്‍ത്തിയായതായി ഡി.വൈ.എസ്.പി പി.വിശ്വംഭരനും ഷെയര്‍ ആന്റ് കെയര്‍ പ്രസിഡന്റ് ലെബീബ് ഹസ്സനും അറിയിച്ചു.
നാളെ ഉച്ചക്ക് 1.30 ന് ബഥനി സെന്റ് ജോണ്‍സ് ഹയര്‍ സെക്കന്‍ഡറി സ്‌കൂള്‍ ഓഡിറ്റോറിയത്തില്‍ ആണ് പരിപാടി. തൃശൂര്‍ ജില്ലാ റൂറല്‍ പൊലിസ് അവതരിപ്പിക്കുന്ന ഗാനമേളയാണ് പരിപാടിയുടെ മറ്റൊരു ആകര്‍ഷണം.
റെയ്ഞ്ച് ഐ.ജി എം.ആര്‍ അജിത്ത്കുമാര്‍ ഐ.പി.എസ് പരിപാടി ഉദ്ഘാടനം ചെയ്യും. ജില്ലാ പൊലിസ് ചീഫ് ആര്‍.നിശാന്തിനി ഐ.പി.എസ്, നഗരസഭ ചെയര്‍മാന്‍ സീത രവീന്ദ്രന്‍ എന്നിവര്‍ സന്ദേശങ്ങള്‍ നല്‍കും